دونیا ادبیاتی....................Dünya Ədəbiyyatı

آتانین دوغما اوغلونون توخومونو

اله کئچیرمه‌سی، اؤکوز کیمی

یئنیدن دوغولماسی و باشینا گلن

باشقا معجزه‌‌ حاقیندا سؤز

قدیملرده یاماتو تورپاغی‌نین سوو-نو-کامی ماهالی‌نین یا-

مامورا کندینده کورا-نو-ایئقیمی-نو-کیمی آدیندا بیر کیشی یا-

شاییردی. اون ایکینجی آیین تامامیندا کیشی گوناهلارینی یوماق اوچون

اولو آرابا سوتراسینی اوخوماق قرارینا گلدی. او، نؤکرینه امر

ائله‌دی: “راهیب تاپ گتیر”. نؤکر سوروشدو: “من هانسی مبه‌ده

گئتمه‌لییم؟” ایئقیمی دئدی: “منیم اوچون فرقی یوخدو. قاباغینا

بیرینجی کیم دوشسه، اونو دا گتیر”.

نؤکر امری یئرینه یئتیردی، یولدا راستینا چیخان راهیبله ائوه قا-

ییتدی. ایئقیمی درین احتیراملا اونا نزیر وئردی. آخشام، عبادت قور-

تاراندان سونرا راهیب یاتماغا حاضرلاشدی و ائو صاحبی‌نین حاضرلادیغی

یاتاغا اوزاندی. راهیب فیکره گئتدی. “صاباحکی هدیه‌‌لری گؤزله‌مه-

دن یورغانی گؤتوروب، ائله ایندی آرادان چیخماق داها یاخشی اولمازمی؟”

قفلتن راهیب سس ائشیتدی: “یورغانا دیَمه!” راهیب دهشتلی

واهیمه و قورخویلا ائوه گؤز گزدیردی، آمما هئچ کیمی تاپمادی.

یالنیز آنبارین تالواری‌نین آلتیندا بیر اؤکوز واردی. راهیب اؤکوزه یا-

ناشدی، اؤکوز دیله گلدی: “من ایئقیمی‌نین آتاسییام. کئچن دفعه‌‌

من اوغلومدان سوروشمادان آداملارا اون درز دویو وئرمیشدیم.

گوناهیما گؤره جزالاندیریلمیشام، ایندیکی حیاتدا اؤکوز کیمی یئ-

نیدن دوغولموشام. راهیب، یورغانی گؤتورمه‌یه نئجه اورگین

گلیر؟ سؤزلریمه شوبهن وارسا، صاباح منیم اوچون یئره سامان

دؤشه. گلیب سامانلیقدا اوزاناجاغام. ایئقیمی‌نین آتاسی اولدوغوما

اوندا اینانارسان”. راهیب بد نیته دوشمه‌سیندن اوتاندی و یا-

تاغینا اوزاندی.

سحریسی، عبادتدن سونرا راهیب “یادلاری بوردان اوزاقلاشدیرین”

دئدی. ائو صاحبی‌نین قوهوملارینی بیر یئره ییغدی و هئچ نه گیزلت-

مدن باش وئرمیش حادثه‌‌نی اونلارا دانیشدی. ائو صاحبی کدرلندی،

اؤکوزه یاناشدی، یئره سامان دؤشه‌دی و دئدی: “دوغرودان دا منیم

آتامسانسا، گل بورادا اوزان. “اؤکوز آیاقلارینی قاتلادی و سامان-

لیغا اوزاندی. قوهوملار آغی دئدیلر، برکدن آغلایا-آغلایا سؤیله-

دیلر: “دوغرودان دا آتامیز قارشیمیزدادیر”. ائو صاحبی آیاغا

قالخدی، اؤکوزه باش ایدی و دئدی: “من سنین کئچمیش بورجوندان

کئچیرم”. اونون سؤزلرینی ائشیدن اؤکوز آه چکدی و آغلادی. همین

گون، مئیمون ساعتیندا اؤکوز اؤلدو. ائو صاحبی ایسه آتاسی‌نین گوناه-

لارینی یوسون دئیه، راهیبه یورغان و پول باغیشلادی.

اینتیقاما نئجه اینانماماق اولار؟

　

• آچار سؤزلر: آتانین دوغما اوغلونون توخومونو، اله کئچیرمه‌سی، اؤکوز کیمی،  

چئویرن:اولکر اوجقار

بو گونلر اونیوئرسیته‌نین تئاتر ائوینده فرانسیزجا یازان اؤژن یونسکونون بیر اثرینی اوخویوردوق هامیسینی چئویرمه‌یه ده واختیم اولماسا ان چوخ سئودیییم بیر پارچاسینی تورک اوخوجولار اوچون چئویردیم. داز ییرچی( آوازخان طاس- Cantatrice chauve) مودئرن اینسانین هادارام پاداراملارینی صحنه‌یه چکیر. بو اینسان هاواسینا دانیشیر، اؤنمسیز دئتایلاری چوخ وورغو ایله دیله گتیریر آنجاق حیاتیندان بؤیوک آنلاملار ایتمیشدیرلر. بورادا موسوی مارتن ایله مادام مارتن بیر ار-آرواد اولاراق بیر ائوه قوناق گئدیر بیرینجی صحنه ده بئله دانیشماغا باشلاییرلار. یونئسکونون گؤزوندن مودئرن اینسان یاتاغینین اوستونه چکدییی ساتینین بویاسینی بیلیر اما ...

 

 

موسیو مارتین: چوخ چوخ باغیشلایین خانیم! اوزسوزلوک اولماسین آما، اما نظریمه گلیر من سیزی بیر یئرده گؤرموشم.

مادام مارتن:من ده آقا، منیم ده نظریمه گلیر سیزی بیر یئرده گؤرموشم.

موسیو مارتن:  اولمایا منچسترده  ایدی کی من گؤز آلتی باخیدم سیزه؟

مادام مارتن:چوخ امکانی وار. من منچسترلی ام. آما یاخشی حافظه‌م یوخدو. دئیه بیلمیرم حتمن منچسترده منه گؤز آلتی باخیبسیز یا یوخ.

موسیو مارتن: آمان آلـله! غریبه ایشدی! من ده منچسترلی ام خانیم.

مادام مارتن: غریبه ایشدی...

موسیو مارتن: غریبه ایشدی...فقط خانیم، من بئش هفته بوندان قاباق منچستردن چیخدیم، بالون ایله.

مادام مارتن:عجب ایشدی، قضا قدره باخ! من ده دوز بئش هفته قاباق منچستردن چیخمیشام اقا، اؤزوده بالون ایله.

موسیو مارتن: من لندنه گلندن بروم فیلد خیابانیندا اولورام عزیز خانیم.

مادام مارتن: عجیبه ایشدی، غریبه ایشدی، باخ قضا قدره، من ده لندن گلندن بروم فیلد خیابانین دا اولورام عزیز آقا.

موسیو مارتن: من آپارتمان نومره 19 دا اوتورورام عزیز خانیم.

مادام مارتن:  اوف! عجب ایشدی. من ده آپارتمان نومره 19 دا اوتورورام عزیز آقا.

موسیو مارتن: دئمکدن...دئمکدن بس، دئمکدن بس بیز بیری بیریمیزی او ائوده گؤرموش اولا بیلریک، عزیز خانیم.

مادام مارتن: امکانی چوخ چوخدو ولی حئیف کی منیم بادیما گلمیر عزیز آقا.

موسیو مارتن: من 5-جی طبقه، پلاک 8 ده اولورام عزیز خانیم.

مادام مارتن: اووووف!  باخ اللـهین ایشینه! باخ قضا قدره! عجیبه ایشدی، منیم ده آپارتمانیم 5-جی طبقه،ل پلاک 8ده، عزیز آقا.

موسیو مارتن:(دالیغین ) عجب ایشدی دوغرودان! آدام اینانا بیلمیر، غریبه قضا قدره راست گلمیشیک بیز! بیلیرسیز منیم اوتاغیمدا بیر تختیم وار اوستونه یاشیل ساتین چکمیشیک. اوتاغیم دا دالانین دیبینده کتابخانا ایله تووالتین آراسیندا، عزیز خانیم.

مادام مارتن: آمان آللـه! باخ ایشه! منیم ده اوتاغیمدا یئکه  بیر تخت وار اوستونه یاشیل ساتین اؤرتوک سالمیشیق، منیم ده اوتاغیم دالانین دیبینده کتابخانا ایله توالئتین آراسیندا.

موسیو مارتن: بله، دغرودان دا غریبه ایشدی عزیز خانیم، گؤرونور بیز بیر اوتاقدا بیر تختین اوستونده یاتیریق. نه بیله‌سیز اوردا بیر بیریمیزی گؤرموشوک...

مادام مارتن: باخ ایشه! باخ قضا قدره! چوخ چوخ ایمکانی وار سیز دئین یئرده...سیز دئین یئرده بیر بیریمیزی گؤرموش اولاق ، نه بیله سیز ائله دونن گئجه ده گؤرموشوک، من بیلمیرم. بیر زاد یادیما گلمیر.

                                                                   داز ییرچی 4-جو سئن

                                                                       اؤژن یونئسکو

قایناق:http://ucqar.blogfa.com

• آچار سؤزلر: اؤژن یونئسکو،  

ائتیقو تورپاغیندان اولان مقدس

کوواتوری حاقیندا

مقدس کوواتوری ایشیقلی دونیادا یاشادیغی واختلار تئز-تئز

ناتمیز فیکیرلره دوشوردو. سپیلن توخوملارین جوجرمه‌سینه و

باشینی قیرخیب یولا قدم قویماسینا باخمایاراق، کوواتوری

سفئه ایدی و علمه یارامیردی. نادیر حاللاردا “سوترا لوتوسو”نو

اوخویوردو و باشقا هئچ نه بیلمک ایستمیردی. لاکین سونرا اینام

اوچون گوجونو توپلاییب شرعی رد ائله‌دی. بوندان سونرا سحردن-

آخشاما کیمی “سوترا لوتوسدان” آیریلمیردی، قاش قارالاندان گون دو-

غاناجان “سوترا لوتوسو”نو اوخویوردو. یولا تزه‌جه قدم قویدوغو

واختلار کوواتوری اولو مقدس بوددانین بئش و یا آلتی دزیئ

هوندورلویونده هئیکلینی دوزلتمیشدی. هئیکلین قارشیسیندا دورور

و “سوترا لوتوسو”نو اوخویوردو. بونا گؤره ده آداملار اونا اولو

بوددا مقدسی دئییردیلر. او، سونرا کوواتوری داغیندا مسکن

سالدی. بونا گؤره ده اونا مقدس کوواتوری دئمه‌یه باشلادیلار.

او، باشقالاری کیمی یاشامیردی و باشقالاری کیمی عبادت ائلمیر-

دی. آیین بدیرلنمه‌سینه اون بئش گون قالمیش کوواتوری زاهیدلییه

باشلاییردی و آغزینا یئمک آلمیردی، آی بدیرلنندن سونراکی اون

بئش گونون بئش و یا آلتی گونونده یئمک یئییردی. کوواتوری هه-

میشه بئله یاشاییردی و اونون بئله یاشاماسی حئیرتامیز ایش ایدی. بیر

دفعه‌‌ کوواتوری یوز آجی شابالید گؤتوردو و اونونجو آیین ایلک گونون-

دن قازمایا گیردی. قازمادان سونراکی ایلین اوچونجو آییندا چیخدی.

نه قدر شابالیدین قالدیغینا باخدیلار – شابالیدلارین یاریسی دوروردو.

ائتیقولو آداملار، دؤولتلیلر و کاسیبلار، یوخاریلار و آشاغیلار

اونا سجده ائله‌مه‌یه گلیردیلر، کؤنوللرینی شاد ائله‌مک اوچون اونون

باشینا ییغیلیردیلار. اونلار تعجب ائدیردیلر: بو مقدس گونلر-

له نئجه آج قالیر.

همین واختلار بیر جسارتلی و جسور قاچاق یاشاییردی. قاچاق

مقدسه دئدی: “اینسان یئمکله یاشاییر. یئمزسنسه، ایچمز-

سنسه، اؤلرسن. بئله ده ایش اولار؟ سن گوشه‌نیشین اولوب اون گون، ایگیر-

می گون یئمیرسن-ایچمیرسن. لاپ معجزه‌‌دی. یئمک یئمه‌یه-یئ-

میه سوترا اوخویا بیلرسنمی؟ مقدس جاواب وئردی: “قوی سن

دئین کیمی اولسون. گلرسن، سن ایسته‌دیگین کیمی ائله‌یریک. منی

قورخوتماق چتین ایشدی”. مقدس کیمسه‌سیز بیر کومایا چکیلدی.

جسور قوچاق قاپینی مؤحکم باغلادی و چیخیب گئتدی. مقدس

دوز اوچ آی کومادا قالدی، یئمه‌دی، ایچمه‌دی، باییرا چیخمادی. راحت-

لانماق اوچون چؤله چیخمیردی، دینجلمک بیلمه‌دن سوترا اوخویور-

دو. اوچ آی کئچدی. قاچاق گلدی، اولجه قیفیلی، سونرا دا قاپینی آچدی.

باخیب گؤردو کی، مقدس ساغ-سلاماتدی، گولومسه‌ییر. بوندان

سونرا کوواتوری‌نین شؤهرتی داها دا آرتدی. کیم اونو گؤرسیدی، هؤر-

متله باش اییر، احتیرامینی بیلدیریردی.

اؤلوم ساعتی چاتاندا کوواتوری شاگیردلرینی یانینا چاغیردی و

دئدی: “من بو آیین اون اوچونجو گونو اؤله‌جه‌یم. اوفونتلی بدنیمی

دفن ائله‌مک اوچون داغلارا آپارسانیز، بؤیوک گوناها باتارسینیز.

سیزه اذیت وئرمه‌دن اؤلمک ایسته‌ییرم. “بیر خئیلی چیر-چیرپی ییغیب

اوستونه چیخدی، تونقال قالادی و “سوترا لوتوسو” اوخویا-اوخویا، قیمیل-

دانمادان اؤزونو یاندیردی. سونرا دا توستو ایله بیرلیکده یوخا چیخدی.

• آچار سؤزلر: ائتیقو تورپاغیندان اولان مقدس، ژاپن افسانه سی،  

دونیانین یارانماسی

دئییلنه گؤره، قدیملرده، قاوسین-وانین حاکمیتی ایللرینده

قفلتن آروادی‌نین قولاغی آغریماغا باشلاییر. اوچ ایل آغری

کسمیر، یوزلرله لوغمان اونو موعالیجه‌‌ ائله‌مه‌یه چالیشیر، آمما

زحمتلری هدر گئدیر. سونرا آروادین قولاغیندان بالاجا، اوچ

وئرشوک اوزونلوغوندا، باراماقوردونا اوخشار قیزیلی بیر قورد چیخدی،

قوردون چیخماسییلا آغری‌نین کسمه‌سی بیر اولدو. کنیاگینیا حئیرته

دوشدو، قوردو بالقاباغین ایچینه قویوب بوشقابلا آغزینی اؤرتدو.

کیمین آغلینا گلردی کی، بوشقابین آلتینداکی قورد گؤزقاماشدیریجی

درجه‌‌ده پارلاق رنگبرنگ ناخیشلی یونلا - زرخارایلا اؤرتولموش

قشنگ بیر کؤپه‌یه چئوریله‌جک؟ اوستو بوشقابلا اؤرتولموش بالقاباقدا

دوغولدوغوندان کؤپه‌یه پانقو آدینی وئردیلر. قاوسینوان

پانقونو گؤروب چوخ سئویندی و گؤزوندن اوزاغا بوراخمادی. ائله بو

واخت کنیاز فان-وان قییام قالدیردی. قاوسین-وان دؤولتین طالعییندن

ناراحات اولدو، عیانلارینا اوز توتوب دئدی: “فان-وانین باشینی

منه گتیرن آدام تاپیلسا، قیزیمی اونا وئره‌جه‌یم”.

عیانلار یاخشی بیلیردیلر کی، فان-وانین اوردوسو گوجلودو، اونو

یئنمک چتیندی، بونا گؤره ده تهلوکه‌‌یه گیریشمک ایستمیردیلر.

دئییلنه گؤره، پانقو همین گون سارایدان یوخا چیخدی، اونون هارا

گئتدیگیندن هئچ کیمین خبری اولمامیشدی. کؤپیی بیر نئچه گون

آختاردیلار، آمما ایزینی-توزونو تاپمادیلار، قاوسین-وان یامان

کدرلنمیشدی.

آردین اوخو...

• آچار سؤزلر: چین ادبیاتی، چین ناغیلاری، دونیانین یارانماسی، دونیا ادبیاتی،  

قدر بیلن تولکو(ژاپون خالق افسانه سیندن چئویرمه)/ تورکجه یه چئویرن: احمد اسدی

قایناق:سایین احمد اسدی نین اؤزل وبلاقلاری

گونلرین بیر گونونده اوزاق کندلرین بیرینده بیر قاری ایله قوجا یاشاییردیلار. قوجا کیشی اؤز باخچاسیندا ایشله­ییردی و مئشه­دن آغاج و قورو اودونلاری ییغیب ساتیردی.

بو قاری ایله قوجا اؤز ماحاللاریندا دوزلوک، مهربانلیق و صداقتلری­ایله مشهور اولموشدولار، اونلارین آزارلاری میلچگه بئله یئتمیردی. ماحال جماعاتی اونلاری سایقی ایله یاد ائدیردیلر و چوخ محترم ساییردیلار. قاری بیر آز آجی دیل و دیک دانیشیق ایدی، آمّا بیر چالیشقان و سلیقه­لی قادین ایدی و ائوی تمیزلیک و نظم اؤرنگی ساییلیردی.

بو ایکیسی عؤمورلرینین بوتونون سحردن گئجه­یه­دک  ایشله­میش و عذاب چکمیشدیلر، آمّا هئچ واخت اؤزلرینه ثروت و مال ییغا بیلمه­میشدیلر، ایندی ایسه قوجالمیشلار و گونده­لیک تاپدیقلارینی ائله او گون خرجله­ییردیلر و گله­جکلرینه بیر پول توپلایانمیردیلار.

قوجا کیشی هرگون بئلی آغیر یوک آلتیندا اگیلیردی، ائوه قاییدان زامان، آروادینا سؤیله­ییردی: هله­لیک بیزیم یاشاییشیمیز یولوندا گئدیر، من­ده کی هله ایشله­یه بیلیرم و مئشه­یه  گئدیب اودون توپلاییب ساتا بیلیرم. آمّا بیر گون ایشله­یه بیلمه­سم، بیزیم یاردیمیمیزا کیم گله­جک؟

قاری اونون سؤزلرینی تصدیق­له­ییردی و باشینی ترپدیب دئییردی: دوز دئییرسن. بیزیم آخیریمیز نئجه اولاجاق؟ بو کی یاشاییش دگیل. من بیر دقیقه ده اولسون بئله ایشسیز قالمیرام آمّا بیرجه سکّه­ده قوجالیغیمیزا و ایشدن دوشدوگوموز  زامانا قیراغا قویوب توپلایانمیریق!

قوجا کیشی هر دفعه بازارا گئدیب، اودونلارینی ساتاندا، هر ایکیسی آرزولاییردیلار بیر نئچه سکه آرتیق قالا، آمّا هر نه قدر چالیشیردیلار هئچ نه ییغانمیردیلار. بیر گون دوزلاری یوخ ایدی، بیرگون چاره سیزلیکدن ائولرینین کیرالارینی اؤدویوردولر، بو ایشلره گؤره­ده آردیجیل اولاراق بورج آلیردیلار و بو  بورجلاری اؤده­مک بیر نئچه واخت اوزانیردی.

گونلرین بیر گونونده قوجا اوره­گی سئوینج­له ، دوداغی گولوشله دولو بازاردان ائوه گلیردی. بو دفعه بختی آچیلمیشدی و فلک اونون اوزونه گولموشدو. آخی بورجلارینی وئرندن سونرا بیر نئچه سکه­ده دار گون اوچون الینده قالمیشدیر.

قوجا ائله او حالدا پیادا کنده ساری گئدرکن، اؤز اؤزونه پیچیلداییردی: (( یقین کی آرواد بو پوللاری گؤردوکده چوخ سئوینه­جک. بو پولو آلیب صاندیغا قویاجاق، سونوندا بیز­ده دار گونوموزه آزدا اولسا بیر پول آییرا بیلدیک.))

قوجا سئوینجک ائوینه دوغرو گئدیردی. کندین یاخینلیقلاریندا، قوروموش چایین داشلاری اوسته بیر دسته اوغلان اوشاغینی گؤردوکی ، آتلانیب دوشوردولر و های کوی سالمیشدیلار. بیر اورک آغریدان هایقیرتی­دا، اوشاقلارین سسلری سیراسیندا قوجانین قولاغینا توخوندو. کندین اوشاقلاری دئمه بیر تولکونو تله­یه سالمیشلار و یازیق حیوانی اینجیدیردیلر. بیری قویروغونو چکیردی، او بیریسی بیر ایتی شیشی بدنینه باتیریردی و داها بیریسی تولکونو گولوش قایناغی ائدرک دئییردی:

ای حوققاباز تولکو! یاخشی کی سنی توتموشوق. سن کی اؤزونو چوخ زیرک و عاغیللی بیلیرسن، سن کی ادعا ائدیرسن کلگین انسانلاردان داها چوخدور، نیه بیزیم الیمیزدن قاچا بیلمیرسن و اؤزونو قورتارا بیلمیرسن؟!

قوجانین تولکویه اورگی یاندی. تولکو اورک آغریدان و یالواریشلی گؤزلرله قوجایا باخدی.

 

آردین اوخو...

یولاماق

فوسی و نیویوا آداملاری نئجه

یاراتدی

چوخ-چوخ قدیملرده نه‌دنسه آداملار سما حؤکمداری یوی

- خوانین - نئفریتلی پادشاهین غضبینه دوچار اولدولار. بیر نئچه

گون نئفریتلی پادشاهین غضبی سویومادی، سونرا ایسه اینتیقام آلماق

فیکرینه دوشدو. او، کولک روحو فئن-بویا و یاغیش حؤکمداری یوی

- شییه امر ائله‌دی کی، یئره ائنسینلر و ائله طوفان قوپارتسینلار کی،

آداملارین ائولری یئرله یئکسان اولسون، سونرا ائله لئیسان تؤکسونلر

کی، تورپاق اوچ ایل سویون آلتیندا قالسین. آداملار هیجانلاندیلار و

هوندور یئرلره قالخدیلار؛ دوزنلیکده یاشایانلار آغاجلارا چیخدیلار.

هئچ کیمین آغلینا گلمزدی کی، کولک بئله توغیان قوپاراجاق،

یاغیش بئله شدّتلی شیریلتییلا یاغاجاق. اوچ گون کئچمه‌میشدی کی، نهایتسیز

سو اوفوقه قدر بوتون عالمی باشینا گؤتوردو و آداملار

سویون آلتیندا قالدیلار.

بس نئجه اولدو، هامی باتیب، اینسان نسلی‌نین کؤکو کسیلدیمی؟

یوخ، سن دئمه، آداملارین هامیسی سویون آلتیندا قالیب مهو اولماییبلارمیش.

فوسی و اونون باجیسی نیویوا ساغ قالدیلار، اونلاری بیر

اؤلمز شئنسیان خلاص ائله‌دی، سودا باتماغا قویمادی. حادثه‌‌ بئله

اولموشدو.

آردین اوخو...

• آچار سؤزلر: چین ادبیاتی، فوسی و نیویوا آداملاری نئجه، دونیا ادبیاتی، چین افسانه لری،  

ژان باپتیست پوکلن ،مولیئر آدیلا تانینان 17 –جی عصر ده فرانسیز  دیلی نین ان آدلیم دراماتورقودور.

مولیئرین  ان تانینمیش دارمی چیلیس(فرانسیزجا: L'Avare)  دیر.چیلیس ده بیر اینسانین حدا آرتیق قیتمیرلیغی و اونون  سئوگی سین پارا ایله دَییشمه سین طنز شکیل ده صحنه یه چکیر.

آنجاق نئچه هفته چالیشماقدان سونرا اولکر اوجقار بو درامی آذربایجان تورکجه سینه ترجومه ائتدی.

بلکه بو نا ترجومه یوخ یئنی دن بو اثری آنا دیلمیزده یاراتدی، دئمک اولار

اثری ایزله ینده اونون ترجومه اولماغین اصلا حیس ائتمک اولمور.

اولکرین هر ایکی دیله ده چوخ دَرین تانیش اولماغی و بو ایکی دیلین و سؤزلری و جومله سئچمه یی باعث اولوب کی چوخو ترجومه یازیلاردا گؤرونن بعضی سؤزلرین بوشلوغو بو اثرده گؤزه دَیمه سین.

اولکرین یارادیجیلیغیلا دئمک اولار هامیمیز تانیشیق.اولکر هم ترجومه ایشینده هم ده آنا دیلیمیزده شعر یازماقدا چوخ باشارلی اولوب و یازدیغی دویغولو شعرلرله آذربایجانین یئنی ادبیاتنیدا اوغورلو بیر شاعر و یازار اولوب.

ترجومه ائدنلرین چوخو او دیلدن کی ترجومه ائدیرلر اونا چوخ تانیش اولورلار یادا کی او دیله کی ترجومه ائدیرلر و بو ایش باعث اولور کی ترجومه نین چوخ یئرین ده دوزگون سؤزلری سئچه بیلمه مه سی ،آنلاماسین چتین ائدیر و حتی چوخ یئرلی آنلاماق اولمور.

چیلیس دارمین یاخیندان ایزله مک و اونون تاماشاچی لارا یوکسک دوزئی(سطح)ده ائتکیله مه سی و حتی بیر 7-8 یاشیندا بیر اوشاغی کی اونو یاخشی جا دوشونوب و هز آلماسی منی هم سئویندیب هم ده بیرداها اولکرین گؤزل ایشلرینه حیران قویدو.

ولی بوتون ایشلرین کیمین ده بلکه بیر پارا یانلیشلار دا بوایش دا اولا بیلیر هم ده کی بو تئاتر گروپونون ایلک تورکجه ایشی اولدوغو اوچون دئییملرده بیر زورلانماقلاری گؤزه چارپیر بئله ایشله دوام ائتسه بئله شئی لرده چوخ آز اولار.

درام:چیلیس(بیرینجی پرده:بئش صحنه،ایکیجنی پرده بئش صحنه،اوچونجو پرده دوققوز صحنه،دؤردونجو پرده:یئددی صحنه،بئشینجی پرده:آلتی صحنه)

حیکایه:اصلی رولو ،هارپارگون آدیندا بیر وارلی کیشی دیر کی اونون خانیمی اؤلوب ،کلئانت آدینیدا بیر اوغلو و ائلیز آدیندا بیر قیزی وار.اونون جانی اوراجان  پولونا باغلی دیر کی پول لارین  یئیر آلتیندا گیزله دیب گؤنده ده نئچه دفعه اونا باش چکر چون بونا اینانجی وار کی «اوغرولارین ان چوخ دیقتین اؤزنه چکن ائله بو دمیر صاندیقلاردیرو بیرینجی شئی کی اوغورلوقدا اونا ال آپارارلار ائله بو دمیر صاندیقلاردی»،همچینین قیزین ائله آداما وئرر کی جهاز ایسته مه یه.

اوغلو کلئانت ماریان آدیندا بیر قیزی سئوگی سینه دوشور و حاضیردی اگر آتاسی بو ائولنمه گی قبول ائتمه سه ماریانلا بیر باشقا اؤلکه یه گئتسینلر و اوردا بیر آز پول ایله یاشاسینلار،ولی اوندان قاباقکی ایسته ییردی آتاسینا بو ماجرانی باشا سالین باشا دوشور کی آتاسی دا ایسته ییر ائله بو قیزلا ائولنسین.

ائلیزده والئری سئویر بونا گؤره کی آتاسی والئر گؤره کنلی یه قبول ائتسین ، نوکر آدیلا هارپاگونون ائوینه گیریب تا اونون ایلگی سینی چکسین.

کلئانت اؤز نوکر ایله تصمیم توتار کی او پولو کی هارپاگون باغدا گیزله دیبدیر، اوغورلاسینلار،سونرا آتاسیندان ایسته سینلر کی پول لارین قارشی سیندا ماریانلا اونون ائولنمه ین قبول ائتسین،بیر باشقا یئردن بللی اولور کی والئرله ماریان باجی قارداشدیرلار او کیشی ده کی ائلیزله ائولنمک اوچون گلمیشدی، آتالاردی؛ آنسلم ده سونرا (ماریانلا والئرین آتاسی)هارپاگوننون بوتون عهده سی نه آلمادیغی خرجلری عهده سینه آلیر .سونوندا دا کلئانت له ماریان،ائلیز له  والئر و هارپاگونلا صاندیق بیر بیرینه چاتیر.

بو درام «نگاه» گروپو،: کامران قوربانی یؤنتمنلیله تبریزین تئاتر ائوینده ایجرایا گئتدی

عبد الوهاب البیاتی

 چئویرن: سید حیدر بیات

آشاغی‌لاردان چاغیریرام سنی

قورودو دیلیم

دوداغیندا الوولاندی کپنک‌لریم

بو بوز، گئجه‌لری‌نین سویوغوندانمی ؟

بو یوخسول‌لوق، اللری‌نین سخاوتیندن‌می؟

گئجه‌نین قاپیسیندا

کؤلگه‌سی سووشور کؤلگه‌می

لوتجه‌ آج، تارلادا یولا دوشور

چایا کیمی ایزله‌ییر منی

بو سوسغون داش قبیریمدن می؟

ساحه‌لرده خاچا چکیلمیش زامان، عؤمورومدن می؟

هئی! یوخسول‌لوغوم سن میسن؟

بنیزسیز، وطن‌سیز

بو سن‌ میسن زامانیم؟

اوزونو آینا جیزیر

روحون فاحیشه‌لر باشماغی آلتیندا جان وئردی

سنی ساتدی یوخسول ائلین

اؤلولره دیری‌لردن

اؤلولره کیم ساتاجاقدیر؟

کیم پوزاجاق سکوتو؟

بیزدن کیم؟

جسارتلیسی‌دیر زمانه‌سی‌نین

دئدیک‌لریمیزی بیر ده دئیه

کیم آچیقلایاجاق بو سییرری یئله

اولونان وحیی

ایشته، دیرییدیک بیز

 

بو اؤلو آی، اینسان می؟

الاتورانلیقدا بوستان دوواریندا

اوغورلاییرمیسان منی؟

ترک ائدیر‌میسن؟

کفن‌سیز، وطن‌سیز

بیز اوشاق‌ایدیق آخ! اوندا ...

 

یوخسول‌لوق اینسان اولسایدی

اؤلدورردیم، قانیندان ایچردیم

یوخسول‌لوق اینسان اولسایدی

 

قایناق: رواد الشعر الحر فی العراق ص 72

آلما یولو

یازار : اوسکار اوایلد

گول و بولبول

قیز مندن گول ایسته‌دی. قیرمیزی قیزیل‌گول. اگر تاپسام، منیمله

رقص ائده‌جک، تاپماسام... – گنج طلبه‌‌نین سسی تیتره‌دی. –

منیمسه باغیمدا بیر دنه ده اولسون آلقیزیلگول یوخدور.

بولبول دینله‌ییر، پالید آغاجینداکی یوواسیندان – یارپاقلارین

آراسیندان طلبه‌‌یه باخیر و تعجبله‌نیردی.

– منیم باغیمدا بیرجه دنه ده قیرمیزی قیزیل‌گول یوخدور، –

دئییب طلبه‌‌ دؤنه-دؤنه آه چکیر، قشنگ گؤزلری یاشلا دولوردو.

– گؤر خوشبختلیک نئجه خیردا شئیلردن آسیلیدیر! فیلوسوفلارین بوتون

اثرلرینی اوخوموشام، فلسفه‌نین بوتون سیرلرینه بله‌دم، عاما

نه اولسون، یئنه ده بیرجه دنه قیرمیزی قیزیل‌گول منی بدبخت ائدیر.

بولبول اؤز-اؤزونه دئدی:

– بو، اصل عاشقدیر. من اونو تانیماسام دا، هر گئجه اونون حاقیندا

نغمه اوخویوردوم، عشقینی، دردینی اولدوزلارا نقل ائدیردیم.

ایندی اونون اؤزونو گؤرورم. ساچلاری شوه کیمی قارا، دوداقلاری قیزیل‌گولتک

یاراشیقلی، طراوتلیدیر. لاکین او بیری طرفدن عشق یانغیسی

اونون چوهره‌سینی سولدوروب، فیل سومویوتک آغاردیب، درد-قم آلنیندا

کدر دوغوران ایزلر قویوب.

گنج سؤزونه داوام ائدیردی:

– صاباح آخشام سارایدا رقص گئجه‌سیدیر. سئودیگیم قیز دا اورادا،

قوناقلارین آراسیندا اولاجاق. اگر من اونا قیرمیزی قیزیل‌گول وئرسم،

او منیمله یورولانادک رقص ائده‌جک. اونو قوللاریم آراسینا

آلاجاغام، باشینی چیینیمه قویاجاق، من بوتون رقص بویو اللرینی

اللریمدن بوراخمایاجاغام. لاکین نه ائدیم، باغیمدا قیرمیزی

قیزیل‌گول یوخدور و دئمک، من یالنیز قالاجاغام. او منی سایمایاجاق،

منیم ده اورگیم پارچالاناجاق.

آردین اوخو...

سرگردان جهنم

گئجه‌نی ایچمیشم

و بو سینمیش بوداقلار اوزرینده آغلاییرام.

منی تک بوراخ،

ائی قیزمیش و سرگردان گؤز!

منی اولماق عذابی ایله تک بوراخ.

قویما ووجودومون یوخوسونو یولوم.

قویما تکلیگین قارانلیق بالیشیندان باشیمی قالدیریم

و خیاللارین عریش-آرغاجسیز اته‌ییندن یاپیشیم.

آلدادیجی ایشیقلار

کؤلگه‌سیز سوتونلار اوزرینده اویناشیرلار.

یوخومون سینمیش تیلسیمینه باخ،

عبث یئره گؤز میرواریسی‌نین زنجیریندن آسیلیب.

اونا دئ:

ائی سرخوش جهنمین چیرپینتیسی!

اونا دئ: گؤزلری‌نین قارا یئلینی ایچمیشم،

ایچمیشم کی، دایم آرامسیزام.

ائی سرگردان جهنم!

منی تک بوراخ.

• آچار سؤزلر: سهراب سپهری، سرگردان جهنم،